Archive for the ‘GNU/Linux’ Category

Lagee "Mie Chi'” Leopard

Tampelan dekstop Ubuntu lon djinoe. Lon peunan Ubuntu Leopard

Dhiet kon?

Advertisements

Desktop lon jinoe.

Lheueh trep that pake’ Ubuntu, Djinoe lon gantoe dengan PCLinuxOS. Teurnyata Distro njoe adalah toronan dari Mandrake atawa Mandriva njang ka i tamah padit-padit boh program lagee totran Debian. Di antara program-program njan adalah <pre>apt-get</pre>

I yup gambaa desktop lon jinoe.

Proyek GPL lon phon….

Assalamu’alaikum Warahmatullahi Wabarakatuh.

Teungoh njoe ulon tuan teungon lon peugot saboh program kamus Bahasa Atjeh keu Indonesia atawa Indonesia keu Atjeh. Program njoe lon pengot pure dengon banmandum menu dan kommen pake’ bahasa Atjeh.

Program njoe lon peugot dan lon distribusi di yup GPL jadi hana lon nie mita peng ba’ proyek njoe. Niet lon tuan adalah peumadju bahsa Atjeh njang ka mulai hana di pak’ le le geuneurasi muda Atjeh, teuleubeh-leubeh geunerasi muda njang lahe di lua Atjeh.

That lon harap bantuan kosa kata bahsa Atjeh dari reukan-reukan banmandum njang na niet saboh hate & pikeran deungon lon. untuk bantuan djeuet neu kirem u alamat email : athaillah@gmail.com

Tjontoh tampelan program adalah lagee njoe :

Na saran laen lom ??? keu informsi lon develop pake’ Gambas di Distro Ubuntu 6.06 LTS dengan WM KDE.

Mandriva 2007

Lagee ka lheueh lon djanji baroenjan. Djinoe lon bri tampelan dari Mandriva 2007. srceenshot disinoe lon pake MandrivaOne 2007. saban chit ngon Mandriva versi Install peurbedaan djih hanja jang Mandriva One djeuet ta peudja’ langsong dari CD hana peureulee ta install u harddisk.

I jup njoe nan padum-padum boh hase tangkapan layeue dari Mandriva 2007 .

Mandriva 2007

Distro Mandriva 2007 ka reusmi i tibiet, lheueh teupreh-preh seulama lhee uroe akhe djih lheueh tjit njan distro teu tare’ dari internet. Lon tjo’ njang versi DVD sabab njo versi DVD sep saboh keupeng mantong. Njo pake’ CD pajah lhee boh keupeng baro sep.

Njoe teungoh lon tot u DVD blank, a tjhi ta ngieng kiban tampelan Mandriva 2007. Eunteu’ akan lon pos keunoe tampelandjih kibah.

Insya Allah…

Peu izin Symantec PcAnywhere lewat Shorewall (Firewall)

Kondisi njoe that peugabuek pikeran lon padit-padit minggu njang ka u likot. Lheueh mita keunoe mita keudeh, lheueh tanjong keunoe tanjong keudeh, akhe djih murumpo’ pue njang lon meukeusud.

Kodisi djih meunoe. Lam jarengan kanto lon teurdiri dari:

  • Cisco router ngon IP Public 333.248.266.226 (miseuedjih)
  • Linux server seubagoe proxy ngon firewall ngon IP Public 333.248.266.221 (Miseuedjih)
  • Dan komputer target remote IP Private miseuedjih 192.168.5.1

Jadi untuk djeuet ta remote komputer client njang meu IP 192.168.5.1 dari Internet deungon PCAnywhere adalah haroh ta tamah padit-padit boh peurintah ba’ file configure Shorewall. Dari consule ubah droe keu root dan tamong u folder file config shorewall miseuedjih :

/etc/shorewall

inan edit file njang meu nan rules tamah ba’ bareh paleh akhe peurintah seubagoe beurikot:

DNAT net loc:192.168.5.1 tcp 5631 – 333.248.266.221

DNAt net loc:192.168.5.1 udp 5632 – 333.248.266.221

Lheueh njan chi test remote u client njang meu IP 192.168.5.1 dari Internet. Lon jamin djeuet meuhase.

Tuleh buku Ubuntu.

Ba’ sa’ah njoe lon tuan teungoh lon tuleh saboh buku tentang tjera peuguna Ubuntu Linux. Di tjeulah-tjeulah keusibokan lon tuan, lon chi ra’eh-ra’eh watee ke djuet tuleh buku njan.

I yup njoe tampelan desktop lon ngon Open Office teungoh tuleh buku njan.

Harapan lon tuan buku njoe ‘oh ka lheueh eunteu’ djeuet meugui ke rakan-rakan banmandum.

Desktop Ubuntu 6.06 lon tuah lagee Mac OS X.

Njoe model desktop Ubuntu lon djinoe. Hi that Mac OS X Tiger Apple kon?

Pinah u Ubuntu

Uroe njoe ulontuan reusmi pake Distro Ubuntu. Sang hana gantoe-gantoe le, tapi Ubuntu lon ngui i kanto mantong, sabab di rumoh goh lom nan Internet. Djadi ta ngui Ubuntu njoe tan na Internet lagee tangui beude tan aneuk, Djeuet ta pake’ tapi han djeuet ta install program-program la-en. Djadi unto’ di rumoh mantong hana minah dari Suse 😀

Njoe tampelan Desktop Ubuntu 6.06 (Deeper Drake) Njang iso file djih lon co’ dari internet beuklam. CD aseuli akan troh lam 2 minggu teu’ langsong dari Beulanda.

Dèsktop komputer lôn jang barô

 

Njan dèsktop dari Open Suse Linux 10.1 njang barô lôn tarék dari internèt dan lòn tot u cd.